Fluidoen CFD simulazioa

Likido edo gas bat zure ekipoan zehar nola mugitzen den simulatzen dut, prototipoa fabrikatu aurretik.

Galdetu zure simulazioaz

Noiz balio dizu

  • Zirkuitu batean zenbat presio galtzen duzun eta non jakin nahi duzu.
  • Kolektore batek ez die irteera guztiei emari bera banatzen.
  • Bi diseinuren artean zalantzan zaude, eta zein dabilen hobeto jakin nahi duzu.

Nola egiten dut lan

  1. Galdera zehatz bat

    Zer jakin nahi duzun eta zer zehaztasunekin.

  2. Geometria eta baldintzak

    3D eredua, fluidoa, emariak eta tenperaturak.

  3. Simulazioa

    Sarea, kalkulua eta egiaztapenak.

  4. Emaitzak

    Txostena eta bilera bat haiei buruz hitz egiteko.

Zer jasotzen duzu

Bilatzen zenituen balioak
Karga-galera, emariaren banaketa edo indarra.
Fluxu-mapak
Abiadura, presioa eta tenperatura, garrantzitsua den tokian.
Gomendioak
Zer aldatu eta aldaketatik zer espero.
120 mm-ko haizagailu baterako emari-biderkatzaile baten alderantzizko ingeniaritza.

Nolakoa den emaitza bat

Abiadura-mapak erakusten du non azkartzen den airea; korronte-lerroek, nondik doan eta non sortzen diren zurrunbiloak.

Horrekin erabakitzen da geometrian zer aldatu, ezer fabrikatu aurretik.

Ohiko galderak

Zer kasu simulatzen dituzu?

Barne-fluxua (hodiak, kolektoreak, balbulak, toberak), kanpo-fluxua (aireak edo urak pieza bati eragiten dizkion indarrak), bero-transferentzia eta aireztapena.

3D eredua izan behar dut?

Ez. Ez baduzu, nik prestatzen dut planoetatik, argazkietatik edo piezatik abiatuta.

Saiakuntza bat ordezkatzen du?

Ez guztiz. Prototipo kopurua murrizten du, eta neurtzen dena ulertzen laguntzen du. Benetako neurketak badaude, eredua baliozkotzeko erabiltzen ditut.

Zer programarekin simulatzen duzu?

OpenFOAM. Emaitzak PDFan ematen ditut, eta, behar izanez gero, simulazioaren fitxategiak.

Zer simulatu nahi duzu?

Esan zer ekipo den, zer fluido eta zer galderari erantzun nahi diozun.

Galdetu zure simulazioaz

Hau ere interesatuko zaizu