Piezen, multzoen eta makinen diseinu mekanikoa

Behar duzun pieza edo makina diseinatzen dut, eta fabrikatzeko prest ematen dizut: 3D eredua eta planoak.

Azaldu zure proiektuaIkusi proiektuak

Noiz balio dizu

  • Ideia edo zirriborro bat duzu, eta fabrika daitekeen zerbait bihurtu behar duzu.
  • Zure planoak paperean edo 2Dn daude, eta 3D eredu editagarri bat nahi duzu.
  • Makina berezi bat egingo duzu, eta multzo osoa behar duzu.

Pieza badago, baina planorik ez? Begiratu alderantzizko ingeniaritza.

Nola egiten dut lan

  1. Arazoa azaltzen didazu

    Zer egin behar duen, zerekin muntatzen den eta zenbat fabrikatuko dituzun.

  2. Irismena eta prezioa adosten ditugu

    Prezio itxia edo orduka, berrikuspenak finkatuta.

  3. 3D eredua berrikusten dugu

    Planoen aurretik, zerbait aldatzea merkea den bitartean.

  4. Planoak eta fitxategiak

    Zure tailerrak edo hornitzaileak behar dituenak.

Zer jasotzen duzu

3D eredu editagarria
Ordenatua, gero aldatu ahal izateko.
Fabrikazio-planoak
Kotak, perdoiak eta akaberak, ISO arauen arabera.
Tailerrerako fitxategiak
STEP, DXF eta PDF, jatorrizko formatuaz gain.
Mekanizatutako pieza baten 3D eredua

3D eredutik planora

Pieza bakoitzak bere 3D eredua eta planoa ditu: behar diren bistak, kota funtzionalak, perdoiak eta datuak dituen kartela.

Ikusi benetako proiektu bat: ERLO zutabe-zulagailua

Ohiko galderak

Zenbat balio du pieza bat diseinatzeak?

Piezaren konplexutasunaren eta zer eman behar dizudanaren araberakoa da. Argazkiekin edo zirriborro batekin, aurreikuspen bat emango dizut.

Zuk fabrikatzen dituzu piezak?

Ez. Nik diseinatu eta dokumentatzen dut; zure tailerrak edo zuk aukeratutako hornitzaileak fabrikatzen ditu. Ez baduzu, fabrikatzaileak aurkitzen eta haiei aurrekontua eskatzeko dokumentazioa prestatzen lagunduko dizut.

Paperezko planoak 3D bihur ditzakezu?

Bai. 3D eredu eta plano berri bihurtzen ditut, eta kotak bat datozela egiaztatzen dut. Jatorrizkoan kontraesanik badago, adierazi egingo dizut, zein den zuzena erabaki aurretik.

Zer programarekin egiten duzu lan?

SOLIDWORKS eta FreeCAD. Jatorrizko formatuan, STEP eta PDF formatuetan ematen dizut; beste formatu batzuk, eskatuz gero.

Eta entregatu ondoren akatsak badaude?

30 egunez, nire lanari egotz dakizkiokeen akatsak kosturik gabe zuzentzen ditut.

Zer diseinatu behar duzu?

Bidali deskribapen bat, argazkiak edo zirriborro bat.

Azaldu zure proiektua

Hau ere interesatuko zaizu